Deputetët në Parlamentin Evropian i kanë bërë thirrje Bashkimit Evropian dhe autoriteteve nacionale të vendeve-anëtare të Unionit se duhet të sigurojnë ndihmë urgjente që t’u ndihmojnë emigrantëve dhe refugjatëve në përballjen me temperaturat e ulëta dhe borën në disa pjesë të Evropës, duke i theksuar se me këtë rast Maqedoninë, Greqinë dhe Serbinë si vende ku ka “kushte të papranueshme”.
Siç njofton korrespondenti i MIA-s nga Brukseli, në të njëjtën kohë eurodeputetët u kanë bërë thirrje vendeve të BE-së që t’i plotësojnë premtimet e tyre për transportim të mijëra azil-kërkuesve në vende të tjera, sidomos nga Greqia.
Disa folës në seancën e Europarlamentit bënë thirrje që të dëgjohet thirrja e dëshpëruar e refugjatëve që janë në ishujt grekë, por siç theksuan “edhe në vende të tjera, siç janë Serbia dhe Republika e Maqedonisë” dhe eurodeputetët theksuan se është “e papranushme” që nuk reagohet, duke pyetur “sa njerëz duhet të vdesin nga ftohti që BE-ja të reagojë”.
Sipas debatit në shtëpinë ligjvënëse të bashkimit Evropian, deri më tani janë transportuar vetëm gjashtë për qind nga 160.000 azil-kërkues, të cilët duhet të barten nga Greqia në Itali.
“Ne nuk jemi krenarë me këtë gjendje të dhimbshme”, theksoi komisari për ndihmë humanitare të BE-së”, Hristos Stiliadis.
Eurokomisari sqaroi se Unioni ndan mjaft para që t’i ndihmojë Greqisë që të përballet me kushtet e papara deri më tani, por theksoi se “disa dobësi në terren nuk kanë lejuar që paratë e marra nga Brukseli të shfrytëzohen në mënyrën më të mirë të mundshme”.
Data 26.04.2024
Aktuale
- Lloga: Taravari po lëviz me saktësi sipas manualit të VMRO-së
- I riu nga Shkupi gjendet i vdekur në shtëpinë e tij në Gazi Babë
- BFI: Të ketë dalje masive në votime, mos bini pre e thirrjeve për bojkot në afishet pa autorë në Çair
- E keni menduar me të vjetër, ja sa vjet i ka Armonda!
- (VIDEO) VMRO: LSDM po qëndron para derës në Reçicë për të kërkuar vota
- (VIDEO) Komisionit të Sigurimit të Autopërgjegjësisë i korkohet llogari për polisën e sigurimeve
- Kovaçevski: Nuk është e vërtet se me BDI-në po përgatisim bojkot të zgjedhjeve presidenciale
- Bytyqi: E papranueshme rritja e çmimit për sigurimin e makinave, kompanitë të tërheqin menjëherë vendimin