iPhone 7, telefoni më i shitur në botë këtë vit

Auto & Tech | Publikuar më 20.03.2017 në ora 22:32

Kantar Worldpanel raporton se iPhone i kompanisë Apple është telefoni më i shitur gjatë muajve të parë të këtij viti.

Raporti sugjeron se pajisja është para konkurrencës në shumicën e rajoneve, përfshirë SHBA dhe Evropën, transmeton KosovaPress.

Tregu i pjesëmarrjes së kompanisë Apple në pesë tregjet më të mëdha të Evropës është rritur për 2,4%, në gjithsej 22,7%. Rezultatet më të mira kompania i ka arritur në Japoni, ku mban 42,4% të tregut.