Lëvizja BESA i ka quajtur shpifje lajmet të publikuara në disa media të caktuara kinse në partinë e tyre ka përçarje. Sipas tyre, BDI është në panik, sidomos pas lidhjes së bashkëpunimit me Aleancën për Shqiptarët.
“Të zënë në panik, veçmas pas bashkëpunimit të lidhur mes Aleancës për Shqiptarët dhe Lëvizjes BESA, që është shenjë se as LSDM-ja nuk i shpëton dot më kriminelët e BDI-së, kundërshtarët tanë politikë tashmë e kanë zgjeruar paletën e sulmeve ndaj nesh, duke u shërbyer jo vetëm me shpifje dhe insinuata, por edhe duke bërë fitne klasike, që kjo t’u shkojë në favor për raundin e dytë të zgjedhjeve lokale.
Në këtë mënyrë sot në një portal (https://ain-online.com/kush-jane-mjekrrat-o-ti-bilall-afrim-e-ti-o-zeqirja-foto1) doli me një shkrim për gjoja përçarje në Lëvizjen BESA,duke ushqyer urrejtje mbi baza fetare. Përveç që bëhet fjalë për një sajim klasik, për të cilin portali në fjalë do të paditet në Prokurorinë Publike, ky “lajm” shfaq tendencën dashakeqe të BDI-së që, përmes ndezjes së përçarjes, të shpëtojë nga humbja.”, thuhet në reagimin e Lëvizjes BESA.
Më tej në reagim thuhet se: “BESA është e sigurt se në asnjë rast dhe kurrë nuk do të ndodhë që enveristët e BDI-së të kujdesen më shumë se ne për përkatësinë religjioze të shqiptarëve të Maqedonisë. Ne nuk i ndajmë besimtarët në “me mjekra” e “pa mjekra”, siç nuk i ndajmë njerëzit edhe në “fetarë” dhe “jofetarë”. Ajo është e drejtë e secilit dhe ne as nuk i përzihemi dikujt e as nuk dëshirojmë të na përzihet dikush në këtë të drejtë dhe përcaktim”.
Data 19.04.2024
Aktuale
- Nagelsmann e rinovon kontratën me Gjermaninë
- Taravari: Do të kujdesëm që nga Kushtetuta të eliminohet përkufizimi fyes i gjuhës shqipe si “gjuhë tjetër që e flasin së paku 20% e qytetarëve”
- Vazhdon fushata zgjedhore – Prof. Dr. Sylejman Baki në takim me banorët e Velesit
- Bujar Osmani: Në Kosovë flamuri shqiptar nuk është zyrtar, në Maqedoni është obligim i kryetarëve të komunave
- Në komunat Dibër dhe Qendër Zhupë më shumë votues sesa banorë
- Për shkak të mbajtjes së tubimeve parazgjedhore të shtunën dhe të dielën regjim i ndryshuar i komunikacionit në Shkup
- Prani e madhe e njësive policore në Haraçinë të Shkupit
- Vazhdon fushata zgjedhore – Prof. Dr. Sylejman Baki në takim me banorët e Velesit