Në ditën të lirive dhe të drejtave të njeriut një hulumtim shkencor ka nxjerrë në sipërfaqe se qytetarët në Maqedoni nuk mund ti realizojnë të drejtat dhe liritë e tyre, ndërsa shkelen nga institucionet, në veçanti nga organet e gjyqësorit dhe përmbaruesit.
“Fatkeqësisht më të zemëruar për momentin janë me çështjet e përmbaruesve sepse ka një bashkësi e organizuar mirë për të vjedhur drejtë për së drejti jo borxhin e qytetarit por marrin trefish më shumë. Pra nëse ne kemi 50 euro borxh, aty shtohet avokati përmbaruesi dhe institucionet tjera. Domethënë sistemi i drejtësisë nuk është në funksion të këtyre kontesteve. Afër 79 për qind e qytetarëve nuk janë të kënaqur me përmbarimin e procedurave juridiko gjyqësore pra shumë konteste. Megjithatë potencoj edhe një herë, më të irrituar qytetarët për momentin që janë të ngulfatur është çështja e përmbarimit sepse më tepër është formë piramidale për tu marrë qytetarëve para se sa për të shlyer detyrimet dhe borxhet e tyre”, tha Bashkim Selmani profesor universitar.
Profesor Jusuf Zeneli konsideron se ka dallim midis normës dhe praktikës kur bëhet fjalë për respektimin e lirive dhe të drejtave të njeriut, ndërsa thotë se sistemi i drejtësisë nuk duhet të bëjë dallime etnike.
“Në radhë të parë duhet një vetëdijesim i gjithë sistemit juridik, ashtu që secili bartës i funksionit publik apo nëpunës i administratës shtetërore publike në kuadër të obligimeve të përditshme që i realizon secilin qytetar ta sheh si të barabartë dhe të mos ketë në qasjen primare të tij ndasitë në kuadër të zbatimit të të drejtave të tyre”, theksoi Jusuf Zejneli për Alsat, Profesor në fakultetin Juridik UT.
Zejneli dhe Selmani, kanë realizuar hulumtimin mi respektimin e lirive dhe të drejtave të njeriut në Maqedoni.
Data 26.04.2024
Aktuale
- Deri më 30 prill në mesnatë paraqitje e personave të sëmurë dhe të pafuqishëm për votim në zgjedhjet e 8 majit
- Naser Qeli do të ‘shkrihet’, Aida po duket nusja me e bukur ndonjëherë
- Bekteshi me kërkesë: Taravari, Mexhiti dhe Kasami ta mbajnë fjalën, të dorëhiqen!
- Dalja e shqiptarëve në zgjedhje në Maqedoninë e Veriut shënon rënie
- Kovaçevski i përgjigjet Mickoskit: Nuk përgatitemi për bojkot
- Grubi: Na votoni, s’guxojmë të lejojmë izolim dhe paperspektivë
- “Veprim i ulët, përgjigjen do ta marrë nga shqiptarët më 8 maj” – Kasami i kundërpërgjigjet Grubit për “valixhen”
- Lloga: Taravari po lëviz me saktësi sipas manualit të VMRO-së