Aktivisti i VV’së ia kërkon dorëheqjen Ahmetit, dikur e lartësonte Shefin e Prishtinës

Aktivisti i VV’së ia kërkon dorëheqjen Ahmetit, dikur e lartësonte Shefin e Prishtinës

Eman Rrahmani, dikur një përkrahës i Shpend Ahmetit, në nëntor të vitit 2017, i paralajmëronte kundërshtarët e Kryetarit të Prishtinës të harronin fitore.

“#meKryetarin.  Propagandues, ju vjen reni edhe juve pas 4 viteve me kuunkuuruu, se me fitu harrone”, shkruante Emani, tash asamblist i VV’së.

Eman Rrahmani dhe Shpend Ahmeti s’janë më në të njëjtën parti. Emani s’po e sheh më me të njëjtin sy e vlerësim “fituesin e përhershëm” të qytetit më të madh në Kosovë.

Tash, Eman Rrahmani ka nisur fushatën edhe kundër Shpend Ahmetit siç bënte dikur pro tij.

“-Kryetar, Kaqushen e paske shpëtu që paske dhënë dorëheqje. -Mos e ndal dorën, shpëtoje edhe Prishtinën duke dhënë dorëheqje!”, ka shkruar rishtazi ai.

Nuk dihet nëse fushata e re e zyrtarit të VV’së është nxitur nga partia apo nga dëshira për ta rrëzuar Shpend Ahmetit, të cilit dikur ia shpërndante edhe fjalimet e tij.