Alpinistët po përgatisnin mëngjesin, kur mbi kokat e tyre shpërtheu vullkani (Video)

Alpinistët po përgatisnin mëngjesin, kur mbi kokat e tyre shpërtheu vullkani (Video)

Shopan Pangetsu po përgatiste mëngjesin së bashku me grupin e alpinistëve, që kishin ngjitur malin Merapi, që ndodhet në pjesën qendrore të Javas së Indonezisë.

Ata janë befasuar nga një goditje e fuqishme, derisa panë se mbi kokat e tyre po shpërthente vullkani, i cili nxirrte shtëllunga gjigante hiri, transmeton Telegrafi.

Erupsioni i pa pritshëm, ka bërë që ata të lënë të gjitha gjërat që u përkasin dhe të ikin prej aty. Për fat të mirë, asnjë prej tyre nuk është lënduar, pos njërit që është rrëzuar duke ikur me panik.

Videoja që mund të shihni më poshtë, i tregon ata në humor të mirë, teksa bëhen gati të hanë, derisa atmosfera ndryshon dhe në sfond nisin të dëgjohen zëra të shqetësuar.

Departamenti i shtetit e ka konfirmuar erupsionin, duke shtuar se vullkani ka nxjerrë hi që ka arritur deri në një kilometër lartësi. /Telegrafi/

TAGS