Ambasada amerikane: Në Shqipëri gjyqtarët deklarojnë miliona dollarë, kur paga është 10 mijë euro në vit

Ambasada amerikane: Në Shqipëri gjyqtarët deklarojnë miliona dollarë, kur paga është 10 mijë euro në vit

Ambasada amerikane në Tiranë reagon në lidhje me funksionimin e gjyqësorit në Shqipëri dhe mitmarrjen nga ana e prokurorëve dhe gjyqtarëve.

Sipas ta dhënave të publikuara në një video, paga mesatare për një gjyqtar në Shqipëri është 10 mijë euro në vit, ndërsa ata deklarojnë pasuri deri në 250 mijë euro.

Madje ka nga ata që deklarojnë miliona dollarë.

“Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën.

Lufta kundër korrupsionit është prioritet i punës së Ambasadës së Shteteve të Bashkuara në Tiranë.

Çdo javë do të nënvizojmë një nismë që kemi ndërmarrë për të luftuar korrupsionin në Shqipëri. Këtë javë, mësoni se si USAID ka punuar me partnerë për të përmirësuar sistemin gjyqësor prej vitit 2003.

Ambasada e SHBA në Shqipëri do të vazhdojë të punojë me partnerët shqiptarë për të ndihmuar ngritjen e një sistemi drejtësie që është transparent, eficient dhe i lirë nga korrupsioni.

Ky është sistemi i drejtësisë që ju, populli shqiptar, meritoni. Shqiperia lufton korrupsionin”, thekson ambasada.