Arrestohen katër persona për vjedhje në Vushtrri

Arrestohen katër persona për vjedhje në Vushtrri

Më datën 31 mars 2019, njësitet policore në Vushtrri, kanë arritur të identifikojnë dhe të arrestojnë katër persona të dyshuar për veprën penale ‘vjedhje’.

“Arrestimi i katër personave të dyshuar është bërë mbi dyshime të arsyeshme dhe prova të siguruara për kryerje të veprës penale ‘vjedhje’, ku cak i kësaj vjedhje ishte një vendpunishte, ku të dyshuarit kishin vjedhur pjesë të eskavatorit dhe vegla tjera të punës.

Në cilësi të provave materiale nga të dyshuarit janë sekuestruar gjerat e vjedhura të cilat pas procedurave i janë kthyer pronarit”, thuhet në njoftimin për media.

Ndërsa pas procedurave të nevojshme intervistuese, nga ana e prokurorit të rastit të dyshuarit janë liruar në procedurë të rregullt. /Telegrafi/

TAGS