Asamoah e mirëpret Marottan te Interi

Kwadwo Asamoah ka thënë se do të jetë kënaqësi të punojë me Giuseppe Marottan, para arritjes së tij zyrtare te Interi.

Ish-menaxheri gjeneral dhe shefi ekzekutiv i Juventusit do të angazhohet në hierarkinë e Nerazzurrëve.

Kwadwo Asamoah (Foto: Dean Mouhtaropoulos/Getty Images/Guliver)

Akoma nuk është zyrtarizuar angazhimi i tij te zikaltrit, mirëpo ganezi e njeh mirë atë, pasi pikërisht Marotta e kishte transferuar te Zonja e Vjetër.

“Është një kënaqësi të punosh me të”, ka thënë Asamoah në një eveniment të Brooks Brothers në Milano.

Lexo po ashtu:

“Ai është një drejtor me të cilin kam punuar për gjashtë vite dhe nëse vjen, atëherë do të jetë një kënaqësi për mua, sepse ka personalitet të shkëlqyer”, ka shtuar mbrojtësi i krahut.

Giuseppe Marotta (Foto: Alessandro Sabattini/Getty Images/Guliver)

Asamoah nënshkroi për Juven në vitin 2012 nga Udinese dhe luajti te Bianconerët deri në vitin 2018.

Në verën e këtij viti, ai nënshkroi për Interin si lojtar i lirë. /Telegrafi/

TAGS