ASK sjellë ekspertë ndërkombëtarë të mësimdhënies për samitin e arsimit “Kosovo Learning Summit 2019”

ASK sjellë ekspertë ndërkombëtarë të mësimdhënies për samitin e arsimit “Kosovo Learning Summit 2019”
Tash esht Koha

Pas dy samiteve tejet të suksesshme në fushën e arsimit, edhe këtë vit, American School of Kosova organizoi konferencën ndërkombëtare për mësimdhënës, për të tretën herë me radhë. Konferenca dy-ditore, me gjithsej 15 orë trajnimi, ku morën pjesë rreth 200 mësimdhënës nga e gjithë Kosova, u vlerësua si tejet profesionale dhe efektive.

“Është hera e tretë që marr pjesë në Kosovo Learning Summit; Është shumë e nevojshme për mësimdhënësit që të zhvillohen profesionalisht si dhe mundësi e shkëlqyer të krijojnë marrëdhënie profesionale përtej kufijve” shprehet Suzana Sllamniku, pjesëmarrëse.

Ky samit solli ligjërues të kualifikuar nga e gjithë bota, me përvojë me më shumë se 20 vjeçare në mësimdhënie. Disa nga ligjëruesit ishin: Steve Sostak nga Kina, Katherine Goetzke, Jennifer Navarre dhe Karin Martin nga Austria, Liam Hammer nga Shqipëria, Angela Taylor nga Arabia Saudite etj.

Përgjatë këtyre dy ditëve u zhvilluan rreth 30 punëtori me fokus rëndësinë e të mësuarit së bashku. Ndër të tjera, u theksua roli i përdorimit të platformës Twitter, si mundësi e shkëlqyer për t’u lidhur me mësimdhënës nga e gjithë bota.

Mësimdhënësit u inkurajuan që të ndajnë aktivitetet dhe punën e tyre të përditshme me këta ekspertë global, kështu duke zgjeruar rrethin e tyre profesional përtej mureve të klasës.

Kosovo Learning Summit (Samiti ndërkombëtar për mësimdhënës) u inicua nga drejtoresha e American School of Kosova, Shannon Bruce Ramaka, më 2017. Qëllimi kryesor i këtij samiti është zgjerimi i kapacitetit në mësimdhënie dhe rritjes së bashkëpunimit profesional në mes mësimdhënësve brenda dhe jashtë vendit. /Telegrafi/

Artikull i sponsoruar

Tash esht Koha
TAGS