Blogerja e njohur: Si ndikuan filtrat e Instagramit në shëndetin tim mendor

Blogerja e njohur: Si ndikuan filtrat e Instagramit në shëndetin tim mendor

Ashley James, ish-ylli i reality shoë-t “Made in Chelsea”, ka shpërndarë disa postime në Story-n e Instagramit, duke bërë një krahasim mes dy fotove. James ka rrëfyer se si filtrat e Instagramit kanë ndikuar në shëndetin e saj mendor, duke i shkaktuar dismorfofobinë.



“Kjo është një foto e fytyrës sime… Ju mund të shihni linjat, poret, njollat e vogla, madje edhe grimcat e grimit që kanë rënë në buzët e mia. Tani do t’ju tregoj të njëjtën foto me filtrin ‘Paris’ .Lëkura ime është e pastër dhe pa të meta, makeup-i duket më i përsosur dhe linjat më të hijshme. Sigurisht që preferoj që fytyra ime të duket kështu, por kjo nuk është jeta e vërtetë.

Sa më shumë që shoh fytyrën time kështu, aq më shumë do të doja që fytyra ime e vërtetë të dukej në atë mënyrë. Pra, aq më shumë ndihem e palumtur me lëkurën time të vërtetë. Këtu depërtojnë pasiguritë sipërfaqësore… Dismorfi, dhe kur fillojmë të duam të ndryshojmë pamjen tonë, e cila, meqë ra fjala, mund të na çojë në më shumë pasiguri (veçanërisht nëse shkon keq ose ndihemi si të huaj në lëkurën tonë”, u shpreh James.

“Unë sigurisht nuk jam kundër produkteve kundër plakjes (m’i jepni të gjitha) ose njerëzve që zgjedhin të bëjnë ndryshime kozmetike. Çfarëdo që të na bëjë të lumtur”, – shtoi më tej James.

TAGS