Chelsea triumfon në udhëtim dhe kualifikohet nga Grupi L

Chelsea triumfon në udhëtim dhe kualifikohet nga Grupi L

Chelsea ka vazhduar me fitore në Ligën e Evropë, pasi ka triumfuar në udhëtim te Bate Borisov 0-1.

Në një stadium të stërmbushur me tifoz, Bate Borisov rrezikoi e para skuadrën angleze.

Ishte minuta e 13-të e ndeshjes kur mesfushori Baga u gjend në pozitë të mirë shënimi por që nuk ia arriti cakut.

Chelsea kishte disa gjysmë raste me Hazard e Giroud por pa sukses.

Me rezultatin e barabartë 0-0 përfunduan 45 minutat e para të kësaj sfide.

Pjesa e dytë nisi më mirë për londinezët të cilët gjetën edhe golin e epërsisë.

Ishte minuta e 53-të, kur mbrojtësi italian Emerson Palmieri asistoi bukur tek Giroud i cili shënoi për 0-1.

Chelsea edhe më tej sulmonte portën e vendasve por që nuk arritën më të shënonin gol.

Kësisoj skuadra e Maurizio Sarrit mori një fitore të vlefshme minimale 0-1 nga udhëtimi në Bjellorusi.

Falë këtyre tri pikëve, Chelsea ka siguruar kalimin nga Grupi L me 12 pikë të tubuara pas katër ndeshjeve.

Në ndeshjen e ardhshme, londinezët takohen në Stamford Bridges me PAOK-un. /Telegrafi/

TAGS