Dallime të mëdha në çmimet sipas të cilave janë blerë produkte dhe shërbime të njëjta

Dallime të mëdha në çmimet sipas të cilave janë blerë produkte dhe shërbime të njëjta, tregon indeksi i 17 i racionalitetit, që e përpunoi Qendra për Komunikime Civile, në bazë të 53 tenderëve që i kanë zbatuar 48 institucione në nivel kombëtar dhe në nivel lokal në vitin 2016 dhe 2017.
Dallimi më i madh në çmim është evidentuar në furnizimin e uniformave verore të punës, ndërsa në furnizimin më të vogël të sistemeve për infuzion. Uniformat verore të punës, ndërmarrjet komunale i kanë blerë në çmim prej 424 deri në 2.773 denarë, me çka çmimi më i lartë është për 554 për qind më i lartë se ai më i ulët, ndërsa çmimet dimërore prej 1.124 deri në 4.602 denarë, me çka çmimi më i lartë është për 309 për qind më i lartë se ai më i ulët.
Nallanet janë blerë me çmim prej 718 deri në 2.183 denarë, me çka çmimi më i lartë është për 204 për qind më i lartë se ai më i ulët.
Mirëmbajtja e higjienës në sipërfaqet e brendshme të punës u ka kushtuar institucioneve shtetërore prej 30 deri në 103 denarë për një metër katror në muaj, ndërsa çmimi më i lartë është për 243 për qind më i lartë se ai më i ulët.
Sistemet e infuzioneve janë blerë nga institucionet shëndetësore me çmim prej 5,78 deri në 9,98 denarë për një sistem, me çka çmimi më i lartë është për 73 për qind më i lartë se ai më i ulët.