De Ligt tek Barca? Ja çfarë mendon legjenda holandeze për një lëvizje të tillë

De Ligt tek Barca? Ja çfarë mendon legjenda holandeze për një lëvizje të tillë
23:03 | 16 Maj 2019

Tinejxheri i Ajax Amsterdam, Matthijs De Ligt është nga lojtarët që po merr vëmendjen më të madhe në prag të merkatos së verës.

Mbrojtësi 19 vjeçar po kërkohet me ngulm nga skuadra si Barcelona, Juventus e Bayern Munich.

Gjithsesi është skuadra e Barcelonës ajo që shihet si favorite për të nënshkruar me të, sipas raportimeve të fundit nga mediet evropiane.

Por a do të ishte një kalim i De Ligt tek Barcelona i qëlluar për lojtarin? Legjenda holandeze, Jaap Stam, i cili dikur luante me Milanon, ka dhënë komentet e tij.

“Mendoj se Matthijs de Ligt do të përshtatej shumë mirë. Do të ishte shumë mirë ta shihnim atë duke performuar kundër disa lojtarëve më të mirë, në një lig më të mirë, jo vetëm për disa javë, por secilin vikend” ka thënë Stam, transmeton lajmi.net.

“Pyetja më e madhe është nëse ai do të luante menjëherë në të gjitha ndeshjet. Mendoj se ai ka kualitetin e duhur për ta bërë atë. Në këto liga të mëdha është normale të përballesh me rotacione, sidomos në fillim, më shpesh fillon nga banka” ka thënë tutje ish anëtari i Milan.

“Pas asaj, duhet të mësohesh me nivelet dhe kualitetin e kundërshtarëve. Mendoj se njerëzit rreth tij dhe vet Matthijs janë të zgjuar mjaftueshëm për të zgjedhur opsionin e duhur” ka shtuar ndër të tjerash holandezi.

I riu ka bartur shiritin e kapitenit këtë edicion me Ajax, ku skuadra pati suksese në të gjitha garat ku konkurroi, duke prekur gjysmëfinalen e Ligës së Kampionëve dhe titullin e kampionit në Eredivisie. /Lajmi.net/

[embedded content]

TAGS