Dëme të mëdha nga reshjet në Rahovec

Dëme të mëdha nga reshjet në Rahovec

Komuna nuk ka fond për kompensimin e dëmeve – kërkon ndihmën e Qeverisë, raporton T7

Gjithë ditën u mundua ta pastrojë shtëpinë e tij. Vërshimet e një dite me parë në qytetin e Rahovecit lanë një gjendje të rëndë.

Uji që depërtoi në oborrin e Samir Haskut shkaktoi shumë dëme.

Hasku thotë që dëmet që këto vërshime ia shkaktuan, nuk janë të vogla.

DËME TË MËDHA NGA RESHJET NË RAHOVEC

Ndërkohë shton se në rrezik ishte edhe jeta e familjarëve, pasi uji depërtoi në prizat elektrike.

Hasku tha se e ka vizituar një komision nga komuna, për ta bërë vlerësimin e dëmeve.

E në hall nga vërshimet, u panë edhe qytetarët e tjerë të Rahovecit.

Hiç më mirë nuk ishin as rrugët në këtë qytet.

Shiu e breshëri në Rahovec i ka dëmtuar edhe vreshtarët.

E kryetari i kësaj Komune thotë që ka dalë personalisht në terren për t’i parë nga afër dëmet.

Në Rahovec sikur edhe në pjesë tjera të Kosovës mungon sistemi i raketave anti-breshër.

Sa herë ka reshje, komuna e Rahovecit përballet me vërshime të mëdha që lënë pasoja kryesisht në bujqësi. /Fidan Zejnullahu, T7