Deputeti i PSD-së kërkon nga Komuna e Vitisë të shtojë masat e sigurisë në rrugë

Deputeti i PSD-së kërkon nga Komuna e Vitisë të shtojë masat e sigurisë në rrugë
Tash esht Koha

Deputeti i PSD-së, Salih Salihu, ka shprehu shqetësimin e tij për mos ndërmarrjen e masave nga Komuna e Vitisë, për të rritur sigurinë në aksin rrugor ku humbi jetën një 19-vjeçar.

Salihu, përmes një postimi në Facebook, ka kërkuar  nga organet komunale, që urgjentisht të ndërmarrin hapat e nevojshëm për rritjen e sigurisë së qytetarëve të fshatrave Drobesh, Gërmovë dhe Sadovinë e Jerlive, që ndahen në mes nga ky segment rrugor!

Lexo po ashtu:

Postimi i deputetit Salihu:

“Të nderuar qytetarë të fshatit Drobesh dhe të Komunës së Vitisë!

Lajmi për humbjen e jetës së 19 vjeçarit në aksidentin e komunikacionit në fshatin Drobesh na ka tronditur të gjithëve!

Me këtë rast u shprehë ngushëllime më të sinqerta familjes Misini, të afërmve të tij dhe gjithë fshatit Drobesh!

Por jam shumë i shqetësuar, që për neglizhencën e të parit të Vitisë, për kundër kërkesave të banorëve dhe gjithë neve, nuk ka ndërmarrë asnjë veprim për të ndërtuar një oaze apo barrierë të përshtatshme për ngadalësimin e shpejtësisë në këtë segment rrugor shumë të rrezikshëm për fshatin Drobesh, Gërmovë dhe Sadovinë e Jerlive!

Andaj, si deputet i zonës së Vitisë, kërkoj përsëri nga organet komunale, që urgjentisht të ndërmarrin hapat e nevojshëm për rritjen e sigurisë së qytetarëve të këtyre fshatrave që ndahen në mes nga ky segment rrugor!

Me dhimbje dhe pikëllim,

Deputeti juaj Salih Salihu”, ka shkruar ai./Telegrafi/

Tash esht Koha
TAGS