Edhe pse i ka vetëm 23 ditë jetë, vogëlushi kinez habit të ëmën dhe infermieret (Video)

Një fëmijë zakonisht rreth moshës njëvjeçare fillon t’i belbëzojë fjalët e para, por kështu nuk ka ndodhur me një vogëlush në Kinë, i cili ende pa i bërë 23 ditë ka shqiptuar fjalën “nënë”.

Vogëlushi shokoi të ëmën dhe infermieret, pasi në prezencë të tyre shqiptoi fjalën “nënë” ende pa mbushur 23 ditë jetë, transmeton Telegrafi.

Nëna e vogëlushit ka thënë se edhe pse djali i saj mund ta ketë shqiptuar “pa dashje” fjalën, ata janë të lumtur dhe njëherit të habitur që patën fatin ta dëgjojnë.

E gjithë ngjarja u zhvillua në spitalin e qytetit Changchun në provincën kineze Jilin. Kjo ngjarje e pazakontë është filmuar me telefon nga e ëma e vogëlushit që e shpërndau në internet.

Në videon 10 sekondëshe, vogëlushi shihet duke qëndruar me fytyrë në shtrat, kur befasisht e shqipton fjalën “nënë”, duke bërë kështu që e ëma dhe infermieret të bërtasin nga gëzimi. /Telegrafi/

TAGS