Euro 2020: Bosnja ‘shkatërron’ Finlandën, Rumania fiton me lehtësi ndaj Ishujve Faroe

Euro 2020: Bosnja ‘shkatërron’ Finlandën, Rumania fiton me lehtësi ndaj Ishujve Faroe
20:00 | 12 Tetor 2019

Bosnja dhe Rumania kanë shënuar fitore në kuadër të eliminatoreve për Euro 2020.

Bosnje Hercegovina ka regjistruar një paraqitje të jashtëzakonshme para tifozëve të vet, duke mposhtur Finlandën me rezultatin 4:1, shkruan lajmi.net.

Në pjesën e parë, boshnjakët shënuan me anë të Izet Hajrovic dhe Miralem Pjanic, në minutat 29’ dhe 37’, për të shkuar në pauzën mes dy pjesëve me dy gola epërsi.

Në pjesën e dytë, Pjanic gjeti përsëri golin në minutën e 58’, kurse Amin Hodzic thelloi rezultatin në 4:0, para se në minutën e 79’ Pohjanpalo të shënonte për 4:1, që doli të ishte rezultati përfundimtar.

Fitore të rëndësishme shënoi edhe Rumania, në udhëtim kundër Ishujve Faroe, me rezultatin 0:3, shkruan lajmi.net.

George Puscas ishte ai që zhbllokoi rezultatin, kur po luhej minuta e 74’ e takimit. Mysafirët shënuan edhe dy herë të tjera në minutat 83’  dhe 90’, me anë të Alexandru Mitrita dhe Claudiu Keseru.

Në të njëjtin orar u luajt edhe ndeshja Danimarkë – Zvicër, ku triumfuan danezët 1:0. /Lajmi.net/

TAGS