Eurostat: Tri aktivitetet kryesore që kryejnë shqiptarët në internet

Eurostat: Tri aktivitetet kryesore që kryejnë shqiptarët në internet

Në Shqipëri 68.6% e individëve të moshës 16-74 vjeç deklaruan se ishin përdorues të internetit ne tre muajt e fundit.

Në Bashkim Evropian sipas Eurostat përdorimi i internetit nga e njëjta grup-moshë përllogaritet të jetë 87%, rreth 18 pikë më shumë krahasuar me Shqipërinë.

Sipas të dhënave të INSTAT, aktivitetet kryesore që kryhen nga shqiptarët përmes internetit në “tre muajt e fundit” që janë pyetur janë kërkimi i informacionit për mallrat dhe shërbimet me 50,2 %,, marrja ose dërgimi i e-mail-eve 32,5 % dhe shikimi i filmave 38,2 %.

Në ndryshim, pjesa më e madhe e evropianëve (75%) janë përgjigjur se më së shumti e përdorin internetin për të marrë ose dërguar e-mail-e, ndërsa në vende të dytë renditet kërkimi i informacionit, i ndjekur nga dërgimi i mesazheve, apo i të lexuarit të shtypit. Gjithashtu pjesa më e madhe e evropianëve kanë deklaruar se e përdorën internetin për të veprime e lehtësira bankare dhe rrjetet sociale etj.

Rekordi i përdorimit te internetit ne BE i takon Islandës ku thuajse 100% e të anketuarve janë përgjigjur se kanë përdorur internetin në 3 muajt e fundit që është kryer anketimi.

Po ashtu, përqindja ka qenë shumë e lartë në vendet si Zvicra dhe Danimarka apo Norvegjia dhe Suedia me 98%. Kurse përdorimi i internetit është vlerësuar si më i ulëti në vendet e Evropës Lindore, ku rekordi është regjistruar në Bullgari me 68%. Më pas renditet Shqipëria me një përdorim prej 68.6%./tch

TAGS