Familja Sopa kërkon 25 milionë euro dëmshpërblim, u mbajtën në paraburgim për vetëvrasjen e kryefamiljarit

Avokati Tomë Gashi, përmes një postimi në profilin e tij në Facebook ka bërë të ditur se sot është dorëzuar një padi për kompensim të dëmit kundër Republikës së Kosovës, respektivisht Këshillit Gjyqësor të Republikës së Kosovës me të cilën “do të detyrohen që t’i kompensojnë viktimat e qëllimshme të sistemit të dirigjuar të drejtësisë në shumë prej mbi 25 milionë euro”.

Një padi e tillë ka të bëjë me rastin e ndodhur në vitin 2013 me familjen Sopa nga Prishtina, ku, sipas Gashit, “pa asnjë bazë ligjore, Teuta Sopa, Artinë Sopa dhe Erna Sopa u arrestuan, u mbajtën në paraburgim për mbi 177 ditë dhe u mbajtën nën presion psikik për më tepër se 3 vite, respektivisht 1.411 ditë deri në pushimin e hetimeve”.

Siç ka shkruar Gashi, “ato ishin viktima të sistemit, të paraburgosura për kinse vrasjen e babait të tyre, respektivisht bashkëshortit Hamdi Sopa, ish zyrtar për Informim në Zyrën e Kryeministrit të atëhershëm të Kosovës”.

Më poshtë keni shkrimin e plotë të avokatit Gashi, të cilit ia ka bashkëngjitur edhe padinë:

TAGS