‘Final Four’ i Ligës Ballkanike zhvillohet në Tiranë

Për herë të parë, ‘The Final Four’ i Ligës Ballkanike në sezonin 2018/2019 do të zhvillohet në kryeqytetin e Shqipërisë, Tiranë.

Në njoftimin e faqes së kësaj lige në internet thuhet se ngjarja do të zhvillohet në datat 6 dhe 7 prill 2019 (që është vikend).

Në kuadër të 20-vjetorit të SIGAL UNIQA Group Austria, ‘The Final Four’ do të zhvillohet në në Parkun e ri Olimpik të Tiranës, në sallën e sporteve, “Feti Borova”.

Lexo po ashtu:

Ky edicion është 11-ti me radhë prej se është zhvilluar për herë të parë ‘Final Four’ i Ligës Ballkanike në Samokov të Bullgarisë në sezonin e parë, kur BC Rilski Sportist shkroi historinë duke e fituar titullin e parë ndërkombëtar.

Tash për herë të parë, kjo ngjarje sportive zhvillohet në Shqipëri, ndërsa është edhe hera e parë që një klub shqiptar, KS Teuta, merr pjesë në këtë fazë.

Katër ekipet e kualifikuara janë: KS Teuta (Durrës, Shqipëri), BC Akademik Bultex 99 (Plovdiv, Bullgari), BC Beroe (Stara Zagora, Bullgari) dhe KK Blokotehna (Gjevgjeli, Maqedonia e Veriut). /Telegrafi/

TAGS