Guardiola: Luajtëm për ta fituar ndeshjen, vetëm disa minuta ishim keq

Manchester City ka pësuar humbjen e parë në kampionat dhe ka humbur edhe pozitën e parë në tabelë.

Në derbin e javës në Angli, City pësoi humbje në Stamford Bridges nga Chelsea me rezultat 2-0.

City dominoi ndeshjen duke pasur shumë raste shënimi, por në fund pësoi humbje dhe kjo nuk i ka pëlqyer aspak Guardiolas.

“Ne jemi duke u munduar të jemi kampionë, të gjithë po duan të na mposhtin. Kemi akoma shumë ndeshje për të luajtur dhe duhet të jemi konstant”, tha Guardiola.

“Edhe në ndeshjen e sotme ishim konstant dhe nuk e kam problem humbjen”, u shpreh trajneri spanjoll.

Chelsea – Man City (Foto: Shaun Botterill/Getty Images/Guliver)

Ish-trajneri i Barcelonë dhe Bayernit lavdëroi futbollistët e tij për lojën e treguar.

“Mënyra se si kemi luajtur në pjesën e parë ishte e mrekullueshme. Ata kishin shanse minimale dhe shënuan, ndërsa ne luajtëm për fitoren deri në fund.

“Ishim të jashtëzakonshëm, përveç pesë-tetë minutave lojë. Në përgjithësi ishim fantastikë.

“Nuk kam asnjë pendim, erdhëm dhe treguam se donim të fitonim. Ata bënë një goditje në minutën e 44’ dhe shënuan, ndonjëherë ndodhin edhe këto gjëra”, përfundoi tekniku spanjoll. /Telegrafi/

TAGS