Historia pas debutimit të Messit me Barçën

Teksa 16 nëntori i 2003 ishte destinuar të jetë data kur e gjithë bota do të ketë sytë e kthyer nga Porto të cilët po përuronin Estadio Do Dragao, një ngjarje e madhe ndodhi në këtë ditë dhe kjo la në hije hapjen stadiumin portugez.

Për ekipin e parë të Barcelonës debutoi Lionel Messi.

Trajner në atë kohë për skuadrën katalunase ishte Frank Rijkaard, me shumë lojtarë të lënduar trajneri holandez vendosi të fus në lojë 19 vjeçarin argjentinas.

Leo Messi në ndeshjen e Barcelonës kundër Sevillas në vitin 2005 në Camp Nou (Foto: Luis Bagu/Getty Images/Guliver)

“Është ditë e rëndësishme në karrierën time”, ka thënë Messi për Barca TV kur u pyet për rëndësinë e 16 nëntorit 2003.

“Isha në gjendje të mbushi ëndrrën e fëmijërisë. E vërteta është se isha shumë i lumtur atë ditë”.

Duke shikuar videot e debutimit, Messi ende e mban mend mirë atë natë magjike.

Lexo po ashtu:

“Isha shumë i lumtur, por edhe shumë nervoz. Kur u futa në lojë e përjetova momentin. E kujtoj se kisha një rast shumë të mirë për gol, por nuk arrita të shënoj”.

“Rijkaard mu afrua pas ndeshjes dhe më tha se kisha lëshuar një rast të mirë”.

Gazetari i Barca TV, Jaume Marcet, tregon një tjetër histori që lidhet me debutimin e Messit te skuadra katalunase.

Lionel Messi duke festuar golin ndaj Cadiz (Foto: Denis Doyle/Getty Images/Guliver)

“Ditën e ardhshme, disa orë pas ai bëri debutimin erdhi te Barca TV për të shikuar ndeshjen e tij të parë”.

“Ai ishte vetkritikues dhe ishte shumë i nervozuar me vetën që nuk arriti të shënojë”.

Lexo po ashtu:

“Natyrisht që ishte i lumtur me debutimin dhe që po shikonte vetën në ekran. Na kërkoi t’i bëjmë një kopje të ndeshjes”, ka thënë Marcet.

Tani 15 vite më vonë, Messi ka qindra gola në emrin e tij në stadiume rreth e rreth botës, që nga Estadio Do Dragao e deri te finalet e Ligës së Kampionëve. Duhet të jemi krenarë që jetojmë në kohën e tij. /Telegrafi/

TAGS