Interi synon rikthimin e Alexis Sanchezit në Serie A

Alexis Sanchez nuk po kalon momentet e tij më të mira te Manchester United.

Sulmuesi kilian ka humbur shkëlqimin e tij që nga transferimin tek United dhe duket se Djajtë e Kuq kanë humbur durimin me të.

Mediat angleze kanë paralajmëruar se United do ta nxjerrë në shitje lojtarin gjatë afatit kalimtar të verës.

Alexis Sanchez gjatë ndeshjes së fundit në Ligën e Kampionëve mes Manchester United dhe PSG. (Foto: Michael Steele/Getty Images/Guliver)

30-vjeçari mund të bëjë një rikthim në kampionatin italian Serie A, ku Inter vazhdon të mbetet e interesuar për të.

Por për t’iu bashkuar Interit, Sanchez duhet të ulë kërkesat e tij financiare.

Kiliani aktualisht fiton mbi 20 milionë euro pagë vjetore, gjë që këtë shumë Interi nuk ka mundësi t’ia ofrojë.

Ish-anëtari i Udineses dhe Barcelonës mund të lihet i lirë nga Manchester United vetëm nëse vije një ofertë mbi 35 milionë euro.

Alexis Sanchez. (Foto: Catherine Ivill/Getty Images/Guliver)

Sanchez iu bashkua Manchesterit në janarin e vitit të kaluar nga Arsenali për një shumë prej 35 milionë eurove. /Telegrafi/

TAGS