Interi vazhdon me serinë fantastike, pesë ndeshje, pesë fitore

Interi vazhdon me serinë fantastike, pesë ndeshje, pesë fitore
22:54 | 25 Shtator 2019

Interi ka vazhduar me serinë fantastike në Serie A, duke shënuar edhe fitoren e pestë radhazi këtë sezon, në po kaq ndeshje.

‘Zikaltërit’, me jo pak mund kanë arritur të mposhtin Lazion 1:0 në ‘San Siro’, për të mbajtur kreun e Serie A.

Heroi i Interit në këtë ndeshje ishte mbrojtësi Danilo D’Ambrosio.

Reprezentuesi italian shënoi me kokë në minutën e 23’ të ndeshjes, pas një asistimi të pranuar nga Christian Biraghi.

Me këtë fitore, Interi numëron 15 pikëm duke u renditur në vendin e parë në Serie A, me dy pikë më shumë se Juventus.

Vlen të ceket se këtë xhiro, Napoli është befasuar në shtëpi nga Cagliari duke u mposhtur 0-1./Lajmi.net/

TAGS