Jahti më i madh në botë, do të jetë 229 metra i gjatë – do të kushtojë 600 milionë funte (Foto)

Jahti më i madh në botë privat që ndonjëherë është prodhuar, prite të jetë 229 metra i gjatë, që i bie afërsisht sa dy fusha të futbollit apo 24 autobusë të parkuar njëri pas tjetrit.

Kjo do të thotë se ” Valkyrie Project” që do të kushtojë 600 milionë funte do të thyej rekordin që aktualisht mban super-jahti “Azam”, që është në pronësi të presidentit të Emirateve të Bashkuara Arabe, Khalifa bin Zayed Al Nahyan, që krenohet me gjatësinë prej 180 metrave, transmeton Telegrafi.

Ky jaht mund të akomodojë 52 mysafirë dhe 92 anëtarë të ekuipazhit, kurse një pjesë e madhe do të jetë në dispozicion vetëm për pronarin. Jahti do të mund të lëvizë me shpejtësinë maksimale prej 25 nyje dhe brenda do të ketë teatër, restorante, kazino dhe galeri të artit.

Projekti është vepër e dizajnerit jug-koreanChulhun Park, 36-vjeç, i cili në kuadër të studios për tetë muaj ka punuar me dizajnerët e jahteve “Palmer Johnson”. Trupi i jahtit do të ndërtohet nga alumini dhe pllakat vullkanike, kurse Park ka pranuar se ka vërejtur se shumica e jahteve kanë ngjyrë të bardhë, dhe për këtë arsye ka vendosur të bëjë diçka tjetër.

“Jam munduar t’ia ndryshojë pamjen e jashtme të strukturës dhe të dizajnoj diçka krejt ndryshe”, ka shtuar dizajneri Park. /Telegrafi/

TAGS