Keni probleme me gjumë? Këto janë ushqimet që po ju mbajnë zgjuar natën

Keni probleme me gjumë? Këto janë ushqimet që po ju mbajnë zgjuar natën

Një në tre britanikë vuan nga gjumi i dobët, ndërkaq ushqimet si çokollata dhe tosti mund të jenë pjesë e problemit.

Ekipi nga sajti i fitnesit dhe shëndetit “Vivotion” ka përpiluar një listë me ushqimet që na bëjnë të lodhur dhe zemërak, transmeton Telegrafi.

Gjumi i dobët mund ta rritë rrezikun e mbipeshës, sëmundjeve të zemrës dhe diabetit, por edhe ta dëmtojë sistemin e imunitetit dhe të ketë efekt negativ në shëndet mendor.

Megjithatë, shmangia e ushqimeve të caktuara para se të flini mund t’ju ndihmojë të bini më shpejt në gjumë dhe të keni gjumë kualitativ.

Çokollata
Sasia e kafeinës që gjendet në çokollatë nuk ju lë të flini gjatë natës, prandaj më mirë ta shmangni.

Buka e bardhë
E mbushur me sheqer të përpunuar, një rriskë e kësaj buke para gjumi nënkupton se do të jeni plot energji. Më mirë të hani bukë të zezë.

Ushqimet e djegësta
Këto ushqime e rrisin qarkullimin e gjakut dhe e rrisin temperaturën e trupit kur në të vërtetë duhet të normalizohet para se të flini.

Djathi
Ka kimikal në djathë i cili e nxitë trurin të punojë më shumë sesa ç’duhet, që nënkupton se e keni më vështirë të flini.

Pasta
Një pjatë e mbushur me karbohidrate e aktivizon sistemin e energjisë së trupit dhe ju do ta keni më vështirë të flini.

Pemët e thata
Pemët e thata janë të mbushura me fibra dhe sheqer natyral, prandaj ky është lajm i keq për gjumin tuaj. Fibrat i shkaktojnë presion sistemit të tretjes, ndërkaq sheqeri assesi nuk bën. /Telegrafi/

TAGS