Këta janë frutat që ndikojnë në shkrirjen e dhjamit

Këta janë frutat që ndikojnë në shkrirjen e dhjamit

Kur është puna tek humbja e peshës, ushqimi të cilin e konsumojmë është po aq i rëndësishëm sa ai që nuk konsumojmë.  Tanimë dihet se konsumimi i frutave është një mënyrë e shkëlqyeshme për të humbur peshë dhe për të djegur yndyrë.

Frutat përmbajnë një sasi të ulët të kalorive dhe në të njëjtën kohë përmbajnë një numër të madh të vlerave ushqyese. Ju gjithashtu mund t’i përdorni frutat në çdo vakt.

Sipas Food World Blog disa fruta specifikë, të cilët ndikojnë në humbjen e peshës si dhe shkrirjen e yndyrës janë:

Mollët– kanë një sasi të lartë të fibrave, vitaminave dhe mineraleve. Njëkohësisht ndikojnë shumë në shkrirjen e dhjamit.

Kajsitë– Këta fruta përmbajnë shumë fibra, të cilat e bëjnë thithjen e yndyrës së tepërt në organizëm.

Avokado– Prania e acideve yndyrore, që janë të kategorizuara si yndyra të mira, ndikojnë në procesimin dhe konvertimit të yndyrës në energji.

Bananet– janë shumë të mira në humbjen e peshës, për shkak se të bëjnë të ndihesh i ngopur nga përmbajtja e magnezit dhe disa përbërësve të tjerë ushqyes.

Boronicat– krahas efekteve pozitive që këto fruta i kanë për shëndetin, ato ndikojnë gjithashtu edhe në humbjen e peshës dhe përmirësimin e procesit të metabolizmit.

Pjepri– përmban shumë agjentë anti inflamatorë, të cilët e mundësojnë yndyrën të shkrihet më lehtë.

Limoni– tanimë është i njohur për ndikimin e tij në shkrirjen e dhjamit. Limoni me ujë, është një nga pijet më të preferuara nga nutricionistët për humbje të peshës.

Disa fruta të tjerë që kanë veti “magjike” në shkrirjen e dhjamit janë: nektarinat, dardhat, shegat, shalqiri si dhe kumbullat. /Gazeta Express

TAGS