Konfiskohen 1,530 kilogramë mish në Pejë

Janë gjetur dhe konfiskuar 1530 kilogramë mish cili mish në bazë të raporteve të inspektorëve  të AUK-ut, nuk i ka plotësuar kushtet ligjore që të nxirret në treg.

Sipas raportit të Policisë së Kosovës, ngjarja ka ndodhur në tre lokacione të ndryshme në qytetin e Pejës.

900 kg mish, janë gjetur dhe konfiskuar në rrugën “Fatmir Ukaj”, 520 kg mish janë gjetur dhe konfiskuar në rrugën “UÇK”, si dhe 110 kg mish janë gjetur dhe konfiskuar sërish në rrugën “Fatmir Ukaj”, në Pejë.

“Rr. Fatmir Ukaj, Pejë 22.02.2019 -14:00 Në bazë të urdhëresës te lëshuar nga gjykata, njësitë policore se bashku me inspektoret e AUK,   kanë kryer kontrolle  në thertoren pronë e të  dyshuarit mashkull K/Shqiptar. Gjatë kontrollit është gjetur dhe konfiskuar sasi mishi rreth 900 kg i cili mish ne baze te raporteve te inspektorëve  të AUK-ut, nuk i ka plotësuar kushtet ligjore që të nxirret në treg. Mishi i konfiskuar është asgjësua. Lidhur me rastin është informuar prokurori i shtetit  ku me urdhër te tij  i dyshuari pas intervistimit  është liruar ne procedure te rregullt.

Rr. UÇK, Pejë 22.02.2019 -14:00 Në bazë të urdhëresës të lëshuar nga gjykata, njësitë policore se bashku me inspektoret e  AUK,   kanë kryer kontroll  në thertoren pronë e të  dyshuarit mashkull K/Shqiptar. Gjatë kontrollit është gjetur dhe konfiskuar sasi mishi rreth  520 kg, i cili mish në bazë të raporteve të inspektorëve  të AUK-ut, nuk i ka plotësuar kushtet ligjore që të nxirret në treg. Mishi i konfiskuar është asgjësua. Lidhur me rastin është informuar prokurori i shtetit  ku me urdhër të tij  i dyshuari pas intervistimit  është liruar ne procedure të rregullt.

Rr. Fatmir Ukaj, Pejë, 22.02.2019 -14:00 Në bazë të urdhëresës së lëshuar nga gjykata, njësitë policore së bashku me inspektoret e  AUK,   kanë kontrolluar thertoren e pa licencuar pronë e të  dyshuarit mashkull K/Shqiptar. Gjatë kontrollit është gjetur dhe konfiskuar sasi mishi rreth  110 kg i cili mish në bazë të raporteve të inspektorëve  të AUK-ut, nuk i ka plotësuar kushtet ligjore që të nxirret në treg. Mishi i konfiskuar është asgjësua. Lidhur me rastin është informuar prokurori i shtetit, me urdhër të tij, i dyshuari pas intervistimit  është liruar në procedurë të rregullt”, thuhet në raportin e policisë. /Telegrafi/

TAGS