Kosova drejt mposhtjes së Covid-19, nuk regjistrohet asnjë viktimë në 24 orët e fundit, ja sa të infektuar u shënuan

Kosova drejt mposhtjes së Covid-19, nuk regjistrohet asnjë viktimë në 24 orët e fundit, ja sa të infektuar u shënuan

Gjatë 24 orëve të fundit në Kosova nuk është regjistruar asnjë humbje jete nga koronavirusi, si dhe nga 670 testime të kryera kanë rezultuar pozitiv 54 persona.



“Brenda 24 orëve nuk është raportuar asnjë rast i vdekjes me SARS CoV-2 pozitiv”, thuhet në njoftiin e IKSHPK’së

E gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 670 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 54 raste pozitive.

Rastet e reja sipas IKSHPK’së vijnë nga këto komuna: Prishtinë 26 raste, komuna Ferizaj 8 raste, komuna Lipjan 4 raste, komuna Vushtrri 4 raste, komuna Gjilan 3 raste, komuna Fushë Kosovë 2 raste, komuna Skenderaj 2 raste, dhe me nga një rast Drenas, Obiliq, Pejë, Podujevë dhe Shtime.