Lajm i keq për Liverpoolin e Tottenhamin nga presidenti i Lyon

Lajm i keq për Liverpoolin e Tottenhamin nga presidenti i Lyon
18:44 | 3 Dhjetor 2019

Presidenti i Lyonit, Jean-Michel Aulas ka thënë se klubi synon të bëjë një ofertë të re me kontratë për yllin e skuadrës Memphis Depay.

Pas një kohe të vështirë te Manchester United, Depay ka rilindur në Francë pas një transferimi te Lyon në janar 2017.

25-vjeçari është bërë një nga interpretuesit më të mirë në Ligue 1 dhe ka shënuar 11 gola në 14 ndeshje në të gjitha garat këtë sezon, duke përfshirë katër në Ligën e Kampionëve, transmeton lajmi.net.

“Ai do të vendosë”, i tha Aulas beIN Sports. “Ne do t’i bëjmë atij një propozim për rinovim sepse ai është një lojtar i jashtëzakonshëm”.

“Ai është një djalë i dashur. Për mua, është jo vetëm një lojtar i shkëlqyeshëm, por edhe një njeri interesant”.

Me rritjen e përformancave të tij, Depay ka qenë subjekt i interesit nga klubet në të gjithë Evropën, me Liverpool dhe Tottenham të lidhur shumë kohët e fundit. /Lajmi.net/

TAGS