Maldini gjen përforcimin e ri në Milan, vjen nga Barcelona

Maldini gjen përforcimin e ri në Milan, vjen nga Barcelona
11:30 | 9 Dhjetor 2019

Milan kërkon një mbrojtës për afatin kalimtar të janarit.

Sipas të përditshmes sportive katalane “Sport” një nga objektivat e “Rossonerëve” është mbrojtësi i talentuar i Barcelonës, Jean-Clair Todibo.

Drejtori teknik i Milanit, Paolo Maldini ka takuar në Milano drejtuesit e klubit katalan, Eric Abidal dhe Ramon Planes për të diskutuar rreth mbrojtësit.

Todibo ka kontratë me Barcelonën deri në qershor të vitit 2023, transmeton lajmi.net.

Barcelona nuk kundërshton largimin e tij por kërkon 10 milionë euro dhe dëshiron ta inkuadrojë opsionin e të drejtës së rikthimit të tij në Camp Nou.

Një tjetër klub i interesuar për transferimin e tij është Bayer Leverkusen. /Lajmi.net/

TAGS