Manastirliu mbledh Task-Forcën: Shqipëria deri në këto momente s’ka asnjë rast të konfirmuar me Coronavirus 

Manastirliu mbledh Task-Forcën: Shqipëria deri në këto momente s’ka asnjë rast të konfirmuar me Coronavirus 

Ministrja e Shëndetësisë, Ogerta Manastirliu ka mbledhur Task-Forcën për Coronavirusin, nga ku deklaroi se në Shqipëri, deri në këto momente nuk ka asnjë rast të konfirmuar.

Manastirliu tha se po zbatohet Plani i masave të Task-Forcës dhe se nuk është koha për përhapje paniku.

“Kemi mjekë dhe ekspertë, po zbatohet plani i masave të Task Forcës. Nuk është koha për përhapje paniku, të bazohemi në informacione zyrtare. Shqipëria deri në këto momente nuk ka asnjë rast të konfirmuar me Coronavirus”, u shpreh ministrja, raporton TCH.

“Kemi forcuar ekipet për kontrolle në pikat kufitare të vendit. Vlerësim i udhëtarëve në raport me vendin nga vijnë. Kemi dyfishuar masat, kemi monitoruar mbi 4500udhëtarë. Shtim i masave higjieno-sanitare në shkolla, kopshte dhe çerdhe”, tha ajo.

Sipas Manastirliut, 6 raste të dyshuara në vend, pas analizave nga Instituti i Shëndetit Publik, rezultuan negativ.

Ajo tha se në të gjitha pikat kufitare janë shtuar masat dhe kontrollet, ku vetëm gjatë ditës së diel janë kontrolluar mbi 4500 udhëtarë.

TAGS