Mungesa e Mkhitaryan në finale, vjen reagimi i UEFA-s

Mungesa e Mkhitaryan në finale, vjen reagimi i UEFA-s
16:10 | 21 Maj 2019

Arsenali ka bërë të ditur se Henrikh Mkhitaryan do të mungojë në skuadrën e zgjedhur të trajnerit Unai Emery, për përballjen kundër Chelseat në finale të Ligës së Evropës, që do të zhvillohet në Baku të Azerbajxhanit më 29 maj.

Së fundi ishte raportuar për rreziqet që mund t’i dilnin armenit Henrikh Mkhitaryanit nëse ai udhëtonte në Baku, për shkak të tensioneve politike mes Armenisë dhe Azerbajxhanit për konfliktin Nagorno-Karabakh.

Pas konfirmimit të mungesës së Mkhitaryanit, ka reaguar edhe UEFA.

Shtëpia më e madhe e futbollit edhe pse bën të ditur se është munduar që me autoritetet e Azerbajxhanit t’i ofrojë siguri lojtarit, në fund ka pranuar dhe kuptuar vendimin e yllit të Arsenalit.

“Duke punuar së bashku me Arsenalin, UEFA, kërkoi dhe mori garanci në lidhje me sigurinë e lojtarëve në Azerbajxhan nga autoritetet më të larta në vend”, thuhet në reagimin e UEFA-s, përcjell ‘lajmi.net’.

“Si rezultat i këtyre garancive, një plan gjithëpërfshirës i sigurisë u hartua dhe iu dha klubit”.

“Ndërsa klubi pranon përpjekjet që UEFA dhe qeveria azerbe kanë bërë në këtë çështje, ne respektojmë vendimin personal për të mos udhëtuar me lojtarin”./Lajmi.net/

[embedded content]

TAGS