NBA: Lot dhe emocione, Antetokounmpo shpallet MVP-ja i vitit

NBA: Lot dhe emocione, Antetokounmpo shpallet MVP-ja i vitit
15:58 | 25 Qershor 2019

Mbrëmja e djeshme pati vëmendje të plotë te NBA, pasi u ndan çmimet më të rëndësishme të sezonit të rregullt.

Milwaukee Buck koleksionoi tre nga çmimet më të rëndësishme përfshirë atë të drejtuesit më të mirë, trajnerit më të mirë dhe basketbollistit më të mirë.

Greku Giannis Antetokounmpo u shpall MVP-ja i sezoni me këtë të fundit që i mallëngjeu të gjithë me një fjalim në të cilin kujtoi lotët, sakrificat dhe përpjekjet dhe këshillat e babait të tij që tashmë nuk është më.

Çmimin e lojtarit më të mirë debutues e fitoi talenti slloven i Dallas Mavericks Luka Doncic, rezerva më e mirë u zgjodh Lou Williams i Clippers, ndërkohë basketbollisti që është përmirësuar më shumë gjatë sezonit të fundit, kampioni i NBA, kamerunasi i Toronto Raptors Pascal Siakam.

Menaxheri i përgjithshëm më i mirë i vitit u zgjodh John Horst i Milwaukee Bucks dhe trajneri i vitit Mike Budenholzer i të njëjtës skuadër. /Lajmi.net/ 

TAGS