Një foshnjës nëntëmuajshe me atrofi muskulore kurrizore dje në Klinikën për sëmundje të fëmijëve i është dhënë ilaçi “Spinraza”. Bëhet fjalë për zbatimin e parë të këtij ilaçi më të ri në vendin tonë, i cili përdoret për trajtim të fëmijëve dhe pacientëve të rritur të cilët e kanë atë sëmundje. Kjo terapi më bashkëkohore jepet në vendet më të zhvilluara të botës, deklaroi sot ministri i Shëndetësisë Venko Filipçe, i cili e vizitoi atë institucion shëndetësor publik.
“Foshnja nëntë muajshe e cila gjatë ditës së djeshme e mori terapinë ndjehet mirë. Gjashtë fëmijët tjerë me orar adekuat do ta marrin terapinë. Shpresojmë se do të ketë efekt të mirë, përkatësisht që së pari do të ndalet progresioni i asaj sëmundje, e cila në mënyrë drastike e përkeqëson gjendjen shëndetësore të fëmijëve, ndërsa ka mundësi ajo të përmirësohet dhe ata fëmijë të cilët nuk mund të ecin dhe të qëndrojnë në këmbë. Buxheti për të gjithë shtatë fëmijët arrin 120 milion denarë dhe me këtë buxheti i tërësishëm i programit për sëmundje të rënda tejkalon 500 milion denarë, i cili në fund të vitit 2017 arrinte 280 milion denarë”, tha Filipçe.
Potencoi se dukshëm është rritur buxheti i programit për sëmundje të rralla dhe ky është tashmë ilaçi i gjashtë i ri, i cili është sjellur për dy vite jo të plota. Ai theksoi se buxheti pothuajse trefish është rritur, dhe përveç për këtë sëmundje janë sjellur edhe ilaçe të reja për sëmundjen Gosha, për forma adekuate të anemisë, për fibrozë pulmonale dhe një pjesë e pacientëve të cilët vuajnë nga hipertensioni pulmonar do të marrin sasi plotësuese të ilaçeve.
Duke u përgjigjur në pyetjen e gazetarëve ai potencoi se në regjistër ka shtatë pacientë me atrofi muskulore kurrizore.
“Kemi informacion se një familje e cila e ka fëmijën për ilaç të tillë kohë më parë nuk jeton në shtetin tonë, ashtu që në këtë moment të gjithë fëmijëve të cilëve u nevojitet kjo terapi e kanë ilaçin e nevojshëm, ndërsa furnizimi bëhet për periudhën kohore prej një viti”, shtoi Filipçe.