Nga java tjetër qytetarët nuk do të paguajnë bileta në hyrje të Stacionit të Autobusëve

Nga java tjetër qytetarët nuk do të paguajnë bileta në hyrje të Stacionit të Autobusëve

Biletat prej 10, 50 centëve dhe 1 euro, në Stacionin e Autobusëve në Prishtinë, nga java e ardhshme do të hiqen.

Telegrafi merr vesh se Komuna e Prishtinës përmes aksionarëve të ndërmarrjes “Stacioni i Autobusëve”, i ka rekomanduar bordit të drejtorëve të kësaj ndërmarrje që ta shfuqizojë vendimin paraprak për tarifat 10 cent, 50 cent dhe 1 euro me të cilat ngarkoheshin qytetarët në hyrje të stacionit.

Të hënën pritet të mbahet mbledhja e bordit, dhe rrjedhimisht nga e marta do të hiqen pagesat.

Lexo po ashtu:

“Pagesa do ti bartet kompanive, pra qytetarët paguajnë njëjtë biletën e autobusit si më herët, kurse kompania paguan tarifën”, ka bërë të ditur ky burim.

Vendimi për vendosjen e këtyre tarifave ishte marrë në shtator të vitit të kaluar. Kujtojmë se vendimi i menaxhmentit për pagesën në sportele solli pakënaqësi tek shoferët dhe udhëtarët.

Si pasojë e kësaj, ka pasur edhe protesta dhe greva, ku autobusët nuk kanë hyrë fare në stacion. /Telegrafi/

TAGS