Plagosi me thikë të riun në Sukth, arrestohet 16-vjeçari

Plagosi me thikë të riun në Sukth, arrestohet 16-vjeçari

Uniformat blu arrestuan autorin e  dyshuar për plagosjen e 17-vjeçarit Elvin Zira në Sukth.



Në pranga ra shtetasi me inicialet Xh.S., 16 vjess banues në Sukth, Durrës. Ky shtetas dyshohet se pas një konflikti të çastit, ka goditur me mjet prerës (thikë), Elvin Zirën, i cili ndodhet në spital nën kujdesin e mjekëve, jashtë rrezikut për jetën.

Njoftimi i policisë:

Falë reagimit të menjëhershëm të shërbimeve të Policisë dhe Forcës së Posaçme “Shqiponajt”, kapet dhe shoqërohet në ambientet e Policisë, autori  i dyshuar i plagosjes me mjet prerës (thikë), në Sukth.

Policia e Durrësit, menjëherë pas njoftimit të marë për ngjarjen e ndodhur pak më parë në Sukth, Durrës, organizoi punën dhe falë reagimit në kohë dhe veprimeve të shpejta e profesionale, bëri të mundur të kapë dhe të shoqërojë në ambientet e Policisë për veprime të mëtejshme,  shtetasin Xh.S., 16 vjeç, banues në Sukth, Durrës.

Ky shtetas dyshohet se pas një konflikti të çastit, ka goditur me mjet prerës (thikë), shtetasin E.Z., 17 vjeç, i cili ndodhet në spital nën kujdesin e mjekëve, jashtë rrezikut për jetën.

Materialet do ti kalojnë Prokurorisë së Rrethit Gjyqësor Durrës, për veprime të mëtejshme.