Portieri i Arsenalit, Martinez: Dhjetë klube janë të interesuara për mua

Portieri i Arsenalit, Martinez: Dhjetë klube janë të interesuara për mua

Emiliano Martinez ka bërë të ditur se dhjetë klube janë të interesuara për të nënshkruar me të.

Portieri 27-vjeçar që është pjesë e Arsenalit që nga viti 2012, nuk ka arritur të gjejë vetën në Emirates, duke përjetuar gjashtë huazime.

Paraqitje brilante në finale të FA Cup ndaj Chelseat, duke triumfuar në fund, ka bërë që dhjetë klube të interesohen për të.

“Dua të qëndroj te Arsenali, vetëm nëse marrë minutazhë të mjaftueshme. Pasi në këtë fazë të karrierës, kamë ndërtuar shumë përvojë dhe kam nevojë për sa më shumë minuta”, ka thënë Martinez.

“Jam në bisedime me dhjetë klube evropiane, por nuk mund të them se cilat janë ato dhe dua t’i respektojë interesimin që kanë në mua”.

“Nuk e kam një situatë të qartë te Arsenali, por që shumë shpejtë do të përcaktohem për të ardhmen time dhe do të shohim se cila do të jetë ajo”, ka shtuar më tej portieri duke bërë të ditur se nuk dëshiron të jetë më zëvendësi i Bernd Lenos.