Protesta e opozitës në Tiranë: Ambasada e ShBA-së u bën thirrje protestuesve të qëndrojnë larg dhunës

Protesta e opozitës në Tiranë: Ambasada e ShBA-së u bën thirrje protestuesve të qëndrojnë larg dhunës

Ambasada Amerikane në Tiranë u ka bërë thirrje pjesëmarrësve në protestën e sotme që të qëndrojnë larg dhunës.

“Shtetet e Bashkuara respektojnë të drejtën demokratike të qytetarëve për të protestuar në mënyrë paqësore.

Ju bëjmë thirrje të gjithë pjesëmarrësve në protestën e sotme – si qytetarëve ashtu edhe forcave ligjzbatuese – që të përmbahen duke qëndruar larg dhunës.

Nxitja e përplasjeve fizike apo hedhja e mjeteve plasëse, bombave molotov dhe gurëve, është jodemokratike dhe e paligjshme.

Ata që përfshihen në akte dhune kryejnë një krim dhe duhen vënë përpara përgjegjësisë.

Shtetet e Bashkuara nxisin të gjitha palët të tregojnë vetëpërmbajtje, të refuzojnë dhunën dhe të përfshihen në një dialog konstruktiv”, thuhet në deklaratën e Ambasadës Amerikane.

TAGS