Rekomandimet e OBSH-së për koronavirusin, shkollat s’kanë sapun në Maqedoninë e Veriut (VIDEO)
Në kohën kur bota po lufton me virusin Korona dhe ndër masat kryesore është higjiena, shumë shkolla fillore dhe të mesme në vend nuk kanë sapunë.
Thirrjet e njëpasnjëshme për higjienë të patjetërsueshme, posaçërisht në këto institucione, duket se kanë has në vesh të shurdhër nga udhëheqësit e shkollave të caktuara të cilët akoma nuk po e shohin të arsyeshme furnizimin e shkollave dhe çerdheve me sapun dhe dezinfektues.
Në të shumtën e rasteve, shfajësimi i drejtorëve është se nxënësit po i dëmtojnë tualetet dhe pajisjet brenda tyre.
“Jo nuk ka pasur? Keni pastruar duart vetëm me ujë? Po.
“Prej ditës së sotme po, ditëve tjera jo s`ka pas”.
Sapunë besoj që ka mirëpo çdo moment harxhohen. Kemi raste edhe kur dëmtohen se është numri i madh i nxënësve”-tha Isan Emini, drejtor i SHMM “Nikolla Shtejn”.
Ndoshta për momentin tash s`ka, mund edhe ta shohim, po në pjesën ku Ju keni shikuar ndoshta s`ka sepse unë sot nuk i kam parë ato”-pohoi
Sevdije Musafai, drejtore e shkollës së mesme të tekstilit.
Edhe në Ohër dhe Strugë situata thuajse është e njëjtë. Prindërit ankohen se vet nxënësit blejnë sapun dhe letër tualeti. Në disa foto që prindërit na treguan shihet rikonstruimi i tualeteve por pa mjete higjienike. Derisa nxënësit ankohen se s’ka sapun, drejtorët e shkollave na dërguan të xhirojmë në pjesët ku janë të furnizuara me mjete higjienike.
Kemi sapun dhe letër tualeti. Kemi dëgjuar se diku tjetër nxënësit vet i blejnë, por këtu te ne jo”-theksoi Mile Popovski, drejtor I shkollës së mesme “Niko Nestor”.
Ndër masat që ulin rrezikun e përhapjes së virusit Korona është pastrimi i shpeshtë i duarve me sapun dhe dezinfektues me përmbajtje alkooli, shmangia e kontakteve të afërta me çdonjëri që ka simptoma të gripit dhe shmangia e kontakteve me kafshët.