Ryan Mason pensionohet nga futbolli në moshën 26 vjeçare, shkas lëndimi ndaj Chelseat në vitin 2017

Ryan Mason pensionohet nga futbolli në moshën 26 vjeçare, shkas lëndimi ndaj Chelseat në vitin 2017

Mesfushori i Hull Cityt, Ryan Mason, është detyruar të pensionohet në moshën 26 vjeçare.

Kjo për shkak të frakturës në kafkë që kishte pësuar në vitin 2017 në takimin ndaj Chelseat gjatë një dueli me Gary Cahill.

Mason ishte operuar me sukses pas lëndimit, por nga rrezikshmëria e madhe është e pamundur të vazhdon profesionin si futbollist.

“Kam punuar shumë që të jem në gjendje për t’u kthyer në fushë. Fatkeqësisht pasi u këshillova me ekspertë të mjekësisë dhe nuk kam opsion tjetër vetëm të pensionohem. Kjo pasi nëse luaj rreziku është i madh”.

Lexo po ashtu:

“Jam falënderues për gjithë dashurinë dhe përkrahjen”, ka shkruar Mason në Instagram.

Anglezi filloi karrierën te Tottenhami dhe në verën e 2016 kishte kaluar te Hulli për një shumë rekorde 13 milionë funte (14.6 milionë euro).

Hull City aktualisht është pjesë e Championshipit (ligës së dytë angleze). /Telegrafi/