SBASHK-u të mërkurën e dorëzon në Gjykatën e Apelit vendimin për kompensimin e orëve

SBASHK-u të mërkurën e dorëzon në Gjykatën e Apelit vendimin për kompensimin e orëve

Kryetari i Sindikatës së Bashkuar së Arsimit, Shkencës dhe Kulturës së Republikës së Kosovës, Rrahman Jasharaj, ka thënë se janë afër përfundimit të ankesës për ta dërguar lëndën për kompensimin e orëve në Gjykatën e Apelit.

Në një deklaratë për Telegrafin, ai ka thënë se të mërkurën pritet që ta dërgojnë lëndën.

“Juristi ynë në koordinim me avokatët që bashkëpunojnë vazhdimisht janë në përfundim të ankesës sonë, janë duke hulumtuar të gjithë materialin, të gjitha konventat dhe dokumentet ekzistuese tek ne. Besoj që së largu deri të mërkurën do ta dorëzojmë duke e respektuar formatin që na e ka dhënë Gjykata e shkallës së parë. Por, po dëshirojmë që ankesa të ketë sa më shumë argument të formuara të bazuara, që gjykata ta lehtë sa më të lehtë të vendos”, ka thënë ai.

Jashari ka thënë se nëse edhe Gjykata e Apelit vendos për kompensim të orëve atëherë do të vazhdojnë prapë te merren me këtë çështje duke e dërguar deri në seli të sindikatave në Bruksel.

Lexo po ashtu:

“Nëse vendoset prapë që të kompensohen orët edhe nga kjo Gjykatë, SBASHK-u do të vazhdoj betejën me institucionet e drejtësisë, sepse Gjykata duhet të veprojë ashtu se si janë rregullat . Nga gjykata e shkallës së parë kemi kërkuar që vendimi i MASHT-it të hudhet poshtë pasi që nuk është i bazuar në asnjë ligj të Kosovës, sepse ligjet për grevat qoftë në sektorin e arsimit apo në të tjerë nuk obligojnë grevistët që të kompensojnë grevën. Do t’i shtjerrim të gjitha mundësitë në institucionet e Kosovës, dhe do t’i shkojmë çështjes deri në fund. Materialin do ta dërgojmë deri në Bruksel ku është selia e sindikatave të Evropës që edhe ata ta kenë, sepse nëse vendos gjykata që të kompensohen orët është rasti i parë, dhe për këtë greva do të zbehej sepse është instrumenti i vetëm ku grevistët kërkojnë të drejtat e tyre”, ka thënë ai.

Ndërsa Gjykata Themelore në Prishtinë, Departamenti për Çështje Administrative, ka refuzuar si të pabazuar padinë e Sindikatës së Bashkuar të Arsimit, Shkencës dhe Kulturës (SBASHK), duke e lënë në fuqi vendimin e Ministrisë së Arsimit, Shkencës dhe Teknologjisë (MASHT), për zëvendësimin e orëve të humbura me rastin e grevës./Telegrafi/

TAGS