Shoqata dhe grupe lobuese shqiptare në Zvicër fillojnë organizimin për zgjedhjet në Maqedoni

Shoqata dhe grupe lobuese shqiptare në Zvicër fillojnë organizimin për zgjedhjet në Maqedoni

Me iniciativë të shoqërisë lobuese “Diaspora për Strugën” sonte në selinë e saj në Cyrih u mbajt një takim me përfaqësuesit e Aleancës për Shqiptarët, partisë Alternativa, me përfaqësues të shoqatës “Albanian Buissines Club” si dhe shoqatave të ndryshme me prejardhje nga RMV.

Në këtë takim u bisedua rreth harmonizimit të qëndrimeve si dhe interesave të përbashkëta të Diasporës në raport me përkrahjen e opozitës shqiptare në RMV.
Nga koalicioni opozitar shqiptar u kërkua harmonizim sa me të shpejtë të programit dhe koordinim të proceseve vepruese në diasporë. Diaspora shqiptare, biznesi shqiptar me prejadhje nga RMV përshëndet hapin e marrë nga dy partitë më të mëdha opozitare shqiptare në RMV dhe u deklarua hapur për mbështeje masovike të koalicionit në zgjedhjet e 12 prillit.

Gjithashtu u dakordua që të koordinohen veprimet e të gjithë pjesëmarrësve në një task-force të përbashkët me qëllim që vota shqiptare të sjellë ndryshimin në horizontin politik shqiptar. E planifikuar është që ky koordinim të bëhet edhe në shtetet, si Gjermania, Austria, Danimarka, Suedia.