Strootman, të hënën për testet mjekësore te Marseille

Media të shumta italiane raportojnë se nesër (e hënë) Kevin Strootman do t’u nënshtrohet testeve mjekësore te Olympique Marseille.

Sipas njoftimeve, Roma ka arritur marrëveshje me klubin francez që ta shesë mesfushorin për 25 milionë euro plus bonuset.

Kevin Strootman (Foto: Getty Images)

Në një konferencë për media, trajneri Eusebio Di Francesco kishte konfirmuar se bisedimet janë në përparim e sipër ndërmjet dy klubeve.

Ndërsa tashmë bëhet e ditur se është arritur marrëveshja ndërmjet Romës dhe Olympique Marseille, dhe lojtari do ta vazhdojë karrierën në Ligue 1.

Lexo po ashtu:

Sipas Il Tempo, marrëveshja ishte arritur teksa Strootman po stërvitej në Trigoria, ndërsa RMC Sport në Francë raporton se Roma e ka pranuar ofertën prej 25 milionë eurosh plus tre milionë euro të tjera në formë bonusesh të bazuara në paraqitjen e lojtarit.

Kevin Strootman (Foto: Getty Images)

Mesfushori holandez do të qëndrojë të hënën në Marseille për ekzaminimet mjekësore, që do të thotë se nuk do të luajë kundër Atalantas në mbrëmje.

Strootman ka arritur marrëveshje për kontratë pesëvjeçare, nga e cila do të përfitojë rreth 4.5 milionë euro për sezon (ai paguhet tre milionë euro te Roma). /Telegrafi/

TAGS