Suarez pas fitores: E dinim se do të ishte e vështirë, kundër Bayern gjasat 50/50

Suarez pas fitores: E dinim se do të ishte e vështirë, kundër Bayern gjasat 50/50

Luis Suarez ka dhënë disa komente pas ndeshjes kundër Napoli.

Sulmuesi nga Uruguai, Luis Suarez, është shprehur i kënaqur me fitoren e Barcelonës kundër Napoli.

Ylli i Barcelonës ka thënë se prisnin një ndeshje të vështirë kundër Napoli, kurse për ndeshjen e ardhshme ndaj Bayern ka thënë se gjasat janë 50/50.

“Gjëja më e rëndësishme është se ne jemi në raundin tjetër, objektivi ishte kualifikimi”, ka thënë fillimisht Suarez

“Në pjesën e dytë e dinim çfarë do të ndodhte. Duhet të jemi të kënaqur me pjesën e parë”, shtoi lojtari.

“Bayern? Në një ndeshje të vetme secila skuadër mund të shkojë tutje. Gjasat janë 50/50. Bayern janë skuadër e madhe, por do t’i kemi opsionet tona. Bayern janë në mesin e favoritëve për të fituar Ligën e Kampionëve, por kështu jemi edhe ne”, ishin fjalët e Suarez.

Barcelona dhe Bayern Munich do të përballen më 14 gusht.