Teori konspirative: Shorti i Ligës së Kampionëve është i kurdisur – rrjedh foto në internet

Teori konspirative: Shorti i Ligës së Kampionëve është i kurdisur – rrjedh foto në internet

Një teori konspirative e hedhur nga një tifoz në internet, pretendon se drejtori i UEFA-s, aksidentalisht e ka postuar në rrjetet sociale një foto, ku shihen katër çifte e skuadrave që do të përballen në çerekfinale.

Dokument në foto titullohet: “Shorti i çerekfinaleve të UEFA Ligës së Kampionëve” dhe mban logon zyrtare të garës.

Kaq ka mjaftuar që në rrjetet sociale tifozët të rebelohen duke pretenduar se i gjithë shorti është kurdisje.

Çiftet e skuadrave që do të ndeshen në çerekfinale janë paracaktuar, edhe pse nuk përjashtohet mundësia që të jetë thjesht një test.

Gjithsesi, nga ai dokument që bëri xhiron e botës përmes rrjeteve sociale në më pak se një orë, dallohen çiftet çerekfinaliste: Liverpool-Ajax; Juventus-Porto; Manchester United-Tottenham dhe Barcelona-Manchester City.

Shorti do të hidhet të premten në ora 12:00 dhe do të shihet se a do të ngjajë me këtë teori. /Telegrafi/

TAGS