UEFA paralajmëron spektakël në ndeshjen Kosovë – Mali i Zi

UEFA paralajmëron spektakël në ndeshjen Kosovë – Mali i Zi
20:24 | 14 Tetor 2019

Kosova do të jetë nikoqir i Malit të Zi në ndeshjen që zhvillohet sonte në stadiumin ‘Fadil Vokrri’ në kuadër të kualifikimeve për Euro 2020.

Përfaqësuesja jonë ka edhe tri ndeshje deri në fund të kualifikimeve për Euro 2020, e që natyrisht se do të jenë tri finale.

‘Dardanët’ sonte nga ora 20:45 do të kërkojnë vetëm fitore ndaj malazezëve që kanë humbur shpresat për t’u kualifikuar.

Kosova ka ende shanse të mëdha që të kualifikohet në Euro 2020, pasi gjendja aktuale në Grupin A është ende e hapur me Anglinë dhe Republikën Çeke me nga 12 pikë, tanët me tetë, Mali i Zi dhe Bullgaria me nga tri.

UEFA ka bërë të ditur se do të jetë një ndeshje për t’u mos u humbur sonte në stadiumin ‘Fadil Vokrri’, derisa Përfaqësuesja jonë në këto kualifikime është e pamposhtur në shtëpi.

TAGS