Veseli: Brovina ka bërë një gabim të madh, por unë besoj që e ka bërë pa dashje

Veseli: Brovina ka bërë një gabim të madh, por unë besoj që e ka bërë pa dashje

Kryetari i Kuvendit, Kadri Veseli ka thënë se deputetja Flora Brovina ka bërë gabim të madh por ka qenë pa qëllim.

Në një konferencë për media të mbajtur pasdite Veseli  për rastin e publikimit të fotografisë nga ana e deputetes Flora Brovina që doli të ishte e rrejshme, ka thënë se nga ky gabim dëshmohet se trajtimi i së kaluarës nuk duhet të bëhet me nguti

“Zonja Flora Brovina ditën e djeshme ka bërë një gabim të madh, por unë besoj që e ka bërë pa dashje. E them këtë sepse e njoh Florën, veprimtarinë e saj humanizmin e saj, ashtu siç e njeh gjithë Kosova. Gjithsesi ajo është dashur të konsultohet më herët për atë veprim që e ka ndërmarr para se të vinte në seancë. Por ne duhet bashkërisht të nxjerrim mësim nga ky gabim. Ky gabim na mëson se trajtimi i së kaluarës të bëhet në mënyrë profesionale jo të ngutur dhe emocionale, na dëshmon nevojën për institucione të specializuara me ekspert të mirëfilltë dhe mirkualifikuar që i trajtojnë faktet e krimeve në mënyrë rioroze dhe të verifikuara”, ka thënë ai, transmeton telegrafi.

Lexo po ashtu:

Veseli ka theksuar se gjatë seancës ka kontaktuar me Brovinën dhe i ka kërkuar të mos e shfaq fotografinë për shkak të ndjeshmërisë.

“Ju mendoni se 120 deputetë janë fëmijët e mi, se secili do të vijë tek unë. Mendoni se do të lejoja Serbinë dhe kundërshtarët të kënaqen me një gabim të tillë. Ka ndodhur një gabim i madh i rëndë por nuk duhet të na dezorientoj nga ajo që duam, ngritjen e Tribunalit për gjenocid. S’ka forcë që mund ta ndalë. Ka ndodhur një gabim që na ka dëmtuar neve, ka mundur të mos ndodhë.

Gjatë seancës kam biseduar me Flora Brovinën, e kam parë një njeri të ngarkuar tejet shumë emocionalisht. Ka ardhur me një letër që e mbante me fanatizëm, i kam kërkuar të mos e lexoj në Kuvendin e Kosovës. Kur e ka vendosur aty nuk e kam ditur se mund të jetë e tillë,  kur e kam parë i kam thënë është e rëndë. Do të ishte më mirë të më kishte pyetur një ditë më herët. Nuk është Flora ajo që duhet të linçohet sot, një grua humaniste e ngarkuar emocionalisht. Pse nuk i shiqoni edhe pasojat e gjenocidit serb një grua që ka pësuar shumë herët e deri më tani”, ka theksuar ai./Telegrafi/

TAGS