Veseli priti në takim delegacionin amerikan të Lutjeve të Mëngjesit

Veseli priti në takim delegacionin amerikan të Lutjeve të Mëngjesit

Kryetari i Kuvendit, Kadri Veseli ka pritur sot në një takim delegacionin amerikan të Lutjeve të Mëngjesit, të cilët po qëndrojnë për vizitë në vend.

Veseli theksoi se Kosova vazhdon të mbetet promovuese e paqes, respektit dhe fqinjësisë së mirë, por gjithashtu edhe kultivuese e barazisë dhe mirëkuptimit midis komuniteteve etnike dhe konfesioneve të ndryshme.

Veseli falënderoi Kongresin dhe shtetin amerikan për mbështetjen e pa rezervë për Kosovë në të gjitha etapat, ndërsa konfirmoi edhe njëherë miqësinë e pathyeshme midis Kosovës dhe SHBA-ve.

Kryesuesi i delegacionit të Lutjeve të Mëngjesit, kongresisti Randy Hutgren, nga ana e tij, u shpreh i nderuar që gjendet për vizitë në Kosovë dhe pati rastin të njihet nga afër me zhvillimet në vendin tonë.

Në takim ishin të pranishëm edhe deputetë të tjerë të Kuvendit, të angazhuar në aktivitetet e Lutjeve të Mëngjesit./Telegrafi/

TAGS